साम्राज्यवादी र साम्यवादी शक्तिहरु बीचको टक्कर उत्कर्षमा छः विषम
१७ भाद्र,काठमाडौ । नेपाल कम्युनिष्ट पार्टीका सचिवालय सदस्य संतोश वुढा मगर (विषम)ले अहिले साम्राज्यवादी र साम्यवादी शक्तिहरु बीचको टक्कर उत्कर्षमा गइरहेको वताउनु भएको छ ।
सुक्रवार काठमाडौमा राष्ट्रिय वामपन्थी मञ्चको प्रथम भेलाको उद्घाटन गर्दै नेता विषमले साम्राज्यवादले नेपालमा मात्र होइन विश्वका कम्युनिष्टहरु सिध्याउन खोजिरहेको खुलासा गर्नु भयो ।
उहाँले कम्युनिष्टहरुले पनि साम्राज्यवादीहरुको हस्तक्षेप र दमनलाई परास्त पार्दै सर्वहारा श्रमजीवी वर्गको सत्ता ल्याउन चाहेकाले दुई विचार,दुई वर्ग र दुई दृष्टिकोण बीचको टक्कर हुने गरेको ठोकुवा गर्नु भयो ।
उहाँले भन्नु भयो “अव साम्राज्यवादका विरुद्ध कम्युनिष्टहरु एक भएर कसरी कम्युनिष्ट सत्ता प्राप्त गर्ने ? चुरो कुरा यहि हो, जनताको पनि कम्युनिष्ट एक भईदिए हुन्थ्यो भन्ने चाहाना राख्छन । त्यसकारण सवै क्रान्तिकारी कम्युनिष्ट,वामपन्थी शक्तिहरु एकतावद्ध हुन जरुरी छ ।”
उहाँले एमसीसी एसपीपी विरुद्धको आन्दोलन र त्यसप्रतिको आत्मसमर्पण गरी कार्यान्वयन गर्न खोज्ने संसदवादी शक्ति संगको टक्कर नेपालको मात्र नभएर साम्राज्यवाद संगको टक्कर भएको दावी गर्नु भयो । साम्राज्यवादका दलाल भएर संसदवादीहरु सत्तामा आएकाले नेपालका संसदवादी मात्र नभई साम्राज्यवादी एजेण्ड हुन पुगेको आरोप लगाउनु भयो ।
सचिवालय सदस्य विषमले सरकारले तीन वँुदे सहमति उल्लंघन गरेर देशलाई युद्धको भड्कालो तिर लिन खोजेको आरोप लगाउदै तीन वुँदे सहमति कार्यान्वय नगरे त्यसको जिम्मेवारी सरकारले लिनु पर्ने चेतावनी दिनु भयो ।
आफ्नो पार्टी राजनैतिक समाधान चाहिरहेको भन्दै नेता विषमले भन्नु भयो “हामी कानुनी उपचार नभई राजनीतिक सहमति कार्यान्वय चाहन्छौ , सरकार भने कानुनी उपचार चाहान्छ । यस्तो वेला सरकारले कित सहमति कार्यान्वय गर्छौ भन्नु पर्यो कित गर्दैनौ भन्नु पर्यो । ”
राष्ट्रिय वामपन्थी मञ्चका संयोजक दिर्घ प्रसाद पाण्डेले आफ्नो मञ्चको वारे प्रकाश पार्दै नेपालमा जडसुत्रवाद र व्यवहारवादले कम्युनिष्टहरु लक्ष्यमा पुग्न नसकेको आरोप लगाउनु भयो ।
उहाँले नेपालमा राष्ट्रिय स्वाधीनताका पक्षमा आवाज उठाउने शक्ति, कम्युनिष्ट क्रान्तिकारी शक्ति,विभिन्न पार्टी संग आस्था राख्ने र देशको वेथितिवारे विरोध गर्ने शक्तिहरु बीचको एकता जरुरी भएको वताउनु भयो ।
उहाँले वामपन्थी मञ्च सवै वाम वुद्धिजीवीहरुको साझा मञ्चको रुपमा विकास गर्न खोजीको प्रष्ट पार्नु भयो । संयोजक पाण्डेले कम्युनिष्टहरु राष्ट्रिय स्वाधीनता र वैज्ञानिक समाजवादको पक्षमा एकतावद्ध हुनुको विकल्प नभएको प्रष्ट्याउनु भयो ।
कार्यक्रममा नेकपा माओवादी समाजवादीका केन्द्रीय उपाध्यक्ष रंगनाथ ढकालले एमसीसी एसपीपी र नागरिकता विद्येयक जस्ता राष्ट्रघाती सम्झौताहरु सरकारले गरेको आरोप लगाउनु भयो ।
ऋषि कटेल नेतृत्वको नेकपाका सचिवालय सदस्य अर्जुन कार्कीले वामपन्थी,कम्युनिष्ट सवै शक्तिलाई राष्ट्रिय वामपन्थी मञ्चले समेटन सक्नु पर्ने सुझाव दिनु भयो ।
जनअधिकार अभियान नेपालका अध्यक्ष तथा वरिष्ठ अधिवक्ता एकराज भण्डारीले भेला सफलताको शुभकामना दिर्दै नेपालमा संसदीय यथास्थितिवादी धारा र कम्युनिष्ट क्रान्तिकारी धारा बीचको लडाई भइरहेको प्रष्ट्याउनु भयो ।
उहाँले सरकारको खवरदारी गर्ने वा विरोध गर्ने शक्तिलाई वामपन्थी भन्ने गरिएपनि नेपालको सन्र्दभमा कम्युनिष्टहरु पनि वामपन्थीमा रहने गरेको वताउनु भयो ।
भेलाको स्वागत मन्तव्य डाक्टर भगवान चन्द ज्ञवालीले दिर्दै वामपन्थीहरुको एकता अहिलेको आवश्यकता भएको जिकिर गर्नु भयो ।
राष्ट्रिय वामपन्थी मञ्चका संयोजक पाण्डेको अध्यक्षतामा उद्घाटन भएको भेलाको संचालन सुदर्शन मंगोलले गर्नु भएको थियो । भेलाको वन्द सत्रले नयाँ कार्यसमिति निर्वाचित गर्ने राष्ट्रिय वामपन्थी मञ्चले जनाएको छ ।
