राउटे युवतीमाथि दुर्व्यवहार गर्ने माथि कार्बाहीको माग

२३ जेठ, सुर्खेत । दैलेखको गुराँस गाउँपालिकाले राउटे समुदायका दुई युवतीहरूमाथि भएको यौन दुव्र्ययवहारको घोर भत्र्सना गर्दै कार्वाहीको माग गरेको छ ।

गाउँपालिकाले राउटे समुदायलाई परिचयपत्र उपलब्ध गराइ संरक्षण समेत गर्दै आइरहेको छ । आइतबार विज्ञप्ति जारी गर्दै गाउँपालिकाले घटनामा संलग्न दोषीलाई वास्तविकता छानबिन गरी हदैसम्मको कारबाही गर्न माग गरेको हो ।

‘फिरन्ते जीवन बिताइरहेका राउटे समुदायका युवतीसँग एक होटलको बन्द कोठामा अश्लील क्रियाकलाप गरेको भिडियो सामाजिक सञ्जालमा सार्वजनिक भइरहेकोप्रति गाउँपालिकाको गम्भीर ध्यानाकर्षण भएको छ,’ गाउँपालिकाका अध्यक्ष खेमराज वलीद्वारा हस्ताक्षरित विज्ञप्तिमा भनिएको छ ।

घटनामा संलग्न होटल सञ्चालक गुर्भाकोट नगरपालिकाका विनोद पुन, चमन घर्ती (जोगी) र भुपेन्द्र बुढामाथि तत्काल अनुसन्धान गरी हदैसम्मको कारबाही गर्न माग गरिएको छ ।

प्रतिक्रिया दिनुहोस