अविरल वर्षाले रास्कोट नगरपालिकाका ९१ घरमा पूर्ण क्षेति

२४ असोज,कालिकोट । निरन्तर वर्षाका कारण जिल्लाको रास्कोट नगरपालिकाका विभिन्न वडामा ९१ वटा घरहरुमा पूर्णरुपमा क्षेति भएको छ । घरहरु भत्किएपछि लाखौको धनमाल नष्ट भएको नगरपालिकाले जनाएको छ ।

नगरप्रमुख धर्मराज शाही (पोषण)ले दिएको जानकारी अनुसार वडा नम्वर– ३ मा २८, वडा नम्वर– – ४ मा १८, वडा नम्वर– –८ मा ७, वडा नम्वर– ५ मा ७,वडा नम्वर– ६ मा ५,वडा नम्वर–९ मा १२,वडा नम्वर– १ मा ४ र वडा नम्वर– ७ मा १० घरमा पूर्ण रुपमा क्षति भएको छ ।
नगरपालिकाले अन्य वडामा पनि घरहरु भत्किएको र क्षेतिको विवरण आउन नसकेको जनाएको छ ।

घरहरु वर्षाका कारण भत्किए पनि मानवीय क्षेति भने नभएको नगरपालिकाले जनाएको छ । अहिले स्थानीय जनप्रतिनिधि र प्रहरीले प्रत्यक्ष स्थलगत अध्ययन गरेर क्षेतिको विवरण संकलन गरिरहेको छ ।