लिनप्याओवादी प्रवृत्ति निस्कासीतः नेकपा माओवादी (केन्द्र)

मंसिर १२, काठमाडौं । नेकपा माओवादी केन्द्रले षडयन्त्र द्वारा नेतृत्व हत्याउने लिनप्याओवादी प्रवृत्ति अन्तर पार्टी संघर्ष वाट निस्कासीत भएको सार्वजनिक गरेको छ ।

पार्टी अध्यक्ष गोपाल किराँतीले विहिवार पत्रकार सम्मेलन मार्फत विज्ञप्ती जारी गरि दुई वर्षमा एक पैसा लेवी नतिरी नेता पल्टने लम्पट चरित्रका संसदवादी भाइरसहरु विगत अन्तरपार्टी संघर्षबाट स्वयं निश्काशित भएको वताउनु भएको हो ।

पार्टी भित्रको निरन्तर अन्तर संर्घष पछि कर्णजीत वुढाको नेतृत्वमा अध्यक्ष किराँतीलाई हटाउन खोजिएको थियो । वुढाको नेतृत्वमा रहेका केही नेताहरुले भने आफुहरु आधिकारीक माओवादी केन्द्रको भन्दै दावी गर्दै किराँतीलाई कार्वाही गरेको वताउदै आएका थिए ।

तर अध्यक्ष किराँतीले भने पार्टीको आधिकारी महाधिवेसन विना कोही कसैलाई चाहेको वेला हटाउन नमिल्ने भन्दै आफ्नै नेतृत्वमा वहुमत रहेको र आधिकारी पार्टी आफै संग रहेको वताउनु भएको छ ।

माओवादी केन्द्रको मंसिर ८ देखि १० गते सम्म वसेको पार्टीको छैटौ वैठकले पार्टी भित्रका गलत प्रवृतिलाई निस्कासीत गर्ने निर्णय गरेको पार्टीले जनाएको छ ।

नेकपा (माओवादी केन्द्र) ले “मुख्यतः रुपान्तरणमा जोड एवं महाध्रुवीकरण पहल”को निर्णय गरेको छ ।

देशभक्त समाजवादी आन्दोलनको तयारी गर्दै साझा कार्यसूचीमा संयुक्त आन्दोलनबारे सक्रीय सहभागी हुने पनि निर्णय गरिएको पार्टीले जनाएको छ ।

अध्यक्ष किराँतीले एकताको लागि नेत्रविक्रम चन्द ‘विप्लवसँग’ छलफल भइरहेको जनाउदै ‘आगामी बैशाखमा राष्ट्रिय सम्मेलन पछि , त्यतिवेलासम्म वातावरण बन्दै जाने वताउनु भयो ।’

पार्टीले संगठनको जिम्मेवारी हेरफेरमा पनि केही फेरवदल गरेको छ । जसमा अध्यक्ष . गोपाल किराती, उपाध्यक्ष. विनोद उपाध्याय, महासचिव . राजन तिमल्सिना, सचिवद्वय . आलोक रायमाझी र क विमल निरौला रहनु भएको छ । साथै, केन्दीय समिति र राजनीतिक परिषदमा सदस्यहरु थप गरी ११ सदस्यीय स्थायी समिति गठन गरिएको छ ।

पूर्वी कमाण्डको इन्चार्ज विमल निरौला र त्यस अन्तर्गत प्रदेश १ मा नरेन्द्र कटुवाल तथा प्रदेश २ मा . बब्लु ठाकुरलाई इन्चार्ज÷संयोजक तोकिएको छ । मध्ये कमाण्डमा राजन तिमल्सिना इन्चार्ज र प्रदेश ३ मा . मेघबहादुर खत्री तथा प्रदेश ४ कमाण्ड कार्यलयले हेर्ने निर्णय गरिएको छ ।

यस्तै पश्चिम कमाण्ड. आलोक इन्चार्ज हुनेगरी प्रदेश ५ अवीन गोतामे तथा प्रदेश ७ . कैलाश आउजी र प्रदेश ६ कमाण्ड कार्यालयले हेर्ने छ ।

विज्ञप्तीको पूर्णपाठ

प्रेस विज्ञप्ति

पत्रकार साथीहरु,

“मुख्यतः रुपान्तरणमा जोड एवं महाध्रुवीकरण पहल”को निर्णय गर्दै नेकपा (माओवादी केन्द्र), केन्द्रीय समितिको छैठौं बैठक ०७७ मंसिर ८–१० गते काठमाडौंमा बस्यो। बैठकका निर्णयहरु सार्वजानिक गर्न यो विज्ञप्ति जारी गरिएको छ।

१. देशभक्तिपूर्ण राष्ट्रिय स्वाधीनता, पहिचान आधारित जनवाद र समाजवादी सुविधाको जनजीविका सुनिश्चित गर्न, एमसीसी र भूमि अतिक्रमण जस्ता इण्डो–अमेरिकन आतंकविरुद्ध जनप्रतिरोध आन्दोलन सशक्त बनाउन, डवल नेकपा सरकारका भ्रष्टाचारी, फासिवादी, राष्ट्रघाती हर्कतको विरोध गर्न, एकल रुपमा देशभक्त समाजवादी आन्दोलनको तयारी गर्दै साझा कार्यसूचीमा संयुक्त आन्दोलनबारे सक्रीय सहभागी हुने निर्णय गरियो।

२ पार्टीको आन्तरिक कामतर्फ माओ दिवस पुस ११ गते समाजवादी निर्वाचन प्रणालीको संयुक्त राज्यसत्ता निर्माणबारे काठमाडौमा छलफल गोष्ठी गर्ने, जनयुद्ध दिवस फागुन १ गते देशव्यापी अन्तरक्रिया भेलाहरु गर्ने, आठ मार्च कार्यक्रममा अनेमसंघ (क्रान्तिकारी) लाई सहयोग गर्ने, चैत्र २४ गते जनआन्दोन दिवसमा सशक्त जनप्रदर्शन तथा अन्तर्राष्ट्रिय श्रमिक दिवसको अवसरमा ०७८ बैशाखमा पार्टीको राष्ट्रिय सम्मेलन गर्ने निर्णय गरियो।

३ संगठन र कार्यविभाजन सम्बन्धी निर्णयहरु

षडयन्त्रद्वारा नेतृत्व हत्याउने लिनप्याओवादी प्रवृत्ति र दुई वर्षमा एक पैसा लेवी नतिरी नेता पल्टने लम्पट चरित्रका संसदवादी भाइरसहरु विगत अन्तरपार्टी संघर्षबाट स्वयं निश्काशित भएका छन्। त्यस उप्रान्त छैठौं बैठकले निम्नअनुसार पदपूर्ति र कार्यविभाजन गरेको छ।

क) अध्यक्ष क. गोपाल किराती, उपाध्यक्ष क. विनोद उपाध्याय, महासचिव क. राजन तिमल्सिना, सचिवद्वय क. आलोक रायमाझी र क. विमल निरौला रहनु भएको छ। साथै, केन्दीय समिति र राजनितिक परिषदमा सदस्यहरु थप गरी ११ सदस्यीय स्थायी समिति गठन गरिएको छ।

ख) पूर्वी कमाण्डको इन्चार्ज क. विमल निरौला र त्यस अन्तर्गत प्रदेश १ मा क. नरेन्द्र कटुवाल तथा प्रदेश २ मा क. बब्लु ठाकुरलाई इन्चार्ज÷संयोजक तोकिएको छ। मध्ये कमाण्डमा क. राजन तिमल्सिना इन्चार्ज र प्रदेश ३ मा क. मेघबहादुर खत्री तथा प्रदेश ४ कमाण्ड कार्यलयले हेर्ने। पश्चिम कमाण्ड क. आलोक इन्चार्ज हुनेगरी प्रदेश ५ क. अवीन गोतामे तथा प्रदेश ७ क. कैलाश आउजी र प्रदेश ६ कमाण्ड कार्यालयले हेर्ने।

ग) जनवर्गीय संगठनतर्फ राष्ट्रिय पहिचान मोर्चा इन्चार्ज क. पासाङ मोक्तान, अनेमसंघ (क्रान्तिकारी) संयोजक क बन्दना तामाङ, देजसा परिवार क. शाहस राई, प्रेस सेन्टर क. सुमन वाङदेल र किसान संघ क. आनन्दराम फुयाललाई जिम्मा तोकिएको छ । अन्य जवस र वाइसिएलको नेतृत्व यथावत कायम छ।

घ) केन्द्रीय कार्यालयले जारी गर्ने समय तालिकाअनुसार पार्टी सदस्यता एकीन, नविकरण र वितरण गरी जिल्ला भेला र प्रदेश सम्मेलन हुदै राष्ट्रिय सम्मेलन प्रतिनिधि निर्वाचित गर्ने।

अन्त्यमा, आम रुपमा माओवादी कम्युनिष्टहरु र विशेष रुपमा वैज्ञानिक समाजवादका लागि महाध्रुवीकरण अभियान संचालन गर्दै अघि बढ्ने निर्णयलाई जनसमुदायमाझ अवगत गराइदिनु हुन पत्रकार साथीहरुमा हार्दिक अनुरोध गर्दछौं ।

गोपाल किराँती
अध्यक्ष
नेकपा माओवादी केन्द्र

प्रतिक्रिया दिनुहोस