चैत २६, सुर्खेत । कर्णाली प्रदेश सभा सदस्य माननीय सांसद दानसिंह परियारले सुर्खेतमा अलपत्र दुइ जना उद्धार गरेका छन ।
कोरोना भाइरसको त्रासका कारण सरकारले लकडाउन गरेपछि उपचारमा रहेका मुगु छायानाथ रारा नगरपालिका वडा नम्बर १३ का डिल बहादुर कामी र साही नगरपालिका १० का सुर बहादुर नेपालीको उद्धार गरेका हुन ।
पिडित डिल बहादुर कामीले भन्नु भयाे ‘हामीसँग भएको उपचार खर्च सबै सकिएको थियो । अस्पतालमा बस्दा झन खर्च भइरहेको थियो ।’ ‘उहाँले ४५ हजार भन्दा बढी निजी खर्च गरेर हामीलाई मुगु पठाई दिनु भएको छ । उहाँलाई सधैं भगवानले साथ दिउन भन्ने कामना गर्दछु ।’ उनले आर्थिक अवस्था कमजोर भएका कारण आफू गमगढी पुग्न नसक्ने अवस्थामा रहेका बेला सांसद परियारले गरेको सहयोग जीवनमा भूल्न नसक्ने बताए ।
उनी मुगुमै सडक दुर्घटनामा परि घाईते भएका कारण करिब १५ दिन देखि देउती अस्पताल सुर्खेतमा उपचाररत रहेका थिए । अर्का सुरबहादुर नेपालगञ्जमा उपचार गरी सुर्खेतमा आइ अलपत्र परेका थिए । ती दुवै जनालाई सांसद परियारले उद्धार गरेका हुन ।
‘उहाँहरुको आर्थिक अवस्था अत्यन्तै दयनीय थियो । मैले नीजि खर्चमा भएपनि उहाँलाई घरसम्म जानको लागि एम्बुलेन्सको व्यवस्था गरि पठाईदिएको छु ।’ उहाँले भन्नु भयाे, ‘यसका अलावा अलपत्र परेका सयौं मुगुका जनतालाई उद्धार गरी मुगु पठाइसकेको छु ।’
१
२
३
४
५
प्रतिक्रिया दिनुहोस