प्रधानमन्त्री ओली ‘असक्षम, अनैतिक र भ्रष्ट’ भन्ने प्रचण्डको ठहर सही छ ः गगन थापा

३ मंसिर काठमाडौं । प्रमुख प्रतिपक्षी दल नेपाली कांग्रेसका नेता गगन थापाले सत्तारूढ दल नेपाल कम्युनिस्ट पार्टी (नेकपा) का कार्यकारी अध्यक्ष पुष्पकमल दाहाल प्रचण्डले अर्का अध्यक्ष एवं प्रधानमन्त्री केपी शर्मा ओलीविरुद्ध लगाएको आरोपमा समर्थन जनाउनु भएको छ ।
नेकपाभित्रको विवाद चरमोत्कर्षमा पुगेका बेला सांसद समेत रहनु भएका थापाले बुधबार सामाजिक सञ्जालमा एक वक्तव्य जारी गर्दै ‘प्रधानमन्त्री ओली असक्षम, अनैतिक र भ्रष्ट हुनु भएकाले सरकारको नेतृत्व गर्न अयोग्य रहेको भनेर प्रचण्डले लगाएका आरोप अब सार्वजनिक सरोकारको विषय भएको उल्लेख गर्नु भएकोे छ ।