समाजवादी व्यवस्था ल्याउनकाे लागि पत्रकारको भुमिका महत्त्वपूर्ण छ: समाज सी
१९ कार्तिक, मुगु । नेपाल कम्युनिष्ट पार्टीका केन्द्रीय सदस्य समाज सीले समाजवादी व्यवस्था ल्याउनकाे लागि पत्रकारकाे भुमिका महत्त्वपूर्ण भुमिका रहेको बताउनु भएको छ ।
जनपत्रकार संगठन नेपाल उत्तर कर्णाली ब्युरोले मुगुको गम्गडीमा आइतबारदेखि आयोजना गरेको ५ दिने आधारभूत पत्रकारिता तालिमको उद्घाटन सत्रमा बाेल्दै केन्द्रीय सदस्य समाजले यस्तो बताउनु भएको हो ।
अहिलेसम्मकाे हरेक राजनीतिक परिवर्तनमा पत्रकारहरूले ठुलो भुमिका खेलेको भन्दै समाजवादी व्यवस्था ल्याउनेमा क्रान्तिकारी पत्रकारकाे अहम् भुमिका रहेको बताउनुभयो ।
मुगु जिल्ला इन्चार्ज समेत रहेका समाज सीले जनपत्रकारले समाजमा रहेका विकृति विसंगति सँगै संचारकाे पहुँचमा नभएका आवाज विहीनहरूकाे आवाज बन्नुपर्ने बताउनुभयो ।
उद्घाटन कार्यक्रममा शुभकामना मन्तव्य दिदै जनपत्रकार संगठन नेपालका केन्द्रीय अध्यक्ष शेरबहादुर विश्वकर्माले जनपत्रकारहरु जनताको पत्रकार भएकाले समाजका विभिन्न विकृति विसंगति र समाजिक समस्याका सवालमा कलम चलाउनु पर्ने बताउनुभयो ।
तालिममा उत्तर कर्णाली ब्युरोकाे हुम्ला, मुगु र जुम्ला जिल्लाहरु करिव डेढ दर्जन प्रशिक्षार्थीहरुको सहभागिता रहेको छ ।
जनपत्रकार संगठन नेपालका उत्तर कर्णाली ब्युरो उपेन्द्र रावलकाे अध्यक्षता रहेको थियो भने कल्पना राेकायाले संचालन गर्नु भएको थियो ।
