कालीकोटमा ट्रयाक्टर दुर्घटना हुँदा चालकको मृत्यु, २ जना घाइते

३१ असार, कालिकोट । कालीकोटको रास्कोट नगरपालिका–५ आरसीपी बजार नजिकै ट्रयाक्टर दुर्घटना हुँदा चालकको मृत्यु भएको छ भने २ जना घाइते भएका छन् ।

रास्कोट नगरपालिकाको आरसीपी बजारबाट फुकोटतर्फ जाँदै गरेको भे२च २६१२ नम्बरको ट्रयाक्टर आरसीपी बजार नजिकैको मोडमा दुर्घटना हुँदा घाइते भएका ३ मध्ये सुर्खेत घर भएका चालक वीर परियारको उपचारका लागि सुर्खेत लैजाने क्रममा सोमबार बाटोमा मृत्यु भएको प्रहरीले जनाएको छ ।

दुर्घटनामा रास्कोट–२ सिप्खानाका १७ वर्षीय नम सार्की र रास्कोट नगरपालिका– ५ साहुवाडाका २२ वर्षीया प्रकाश तिरुवा घाइते भएका जिल्ला प्रहरी कार्यालयका प्रहरी प्रमुख अर्जुन केसीले जानकारी दिए । दुवै जनाको कर्णाली प्रदेश अस्पताल सुर्खेतमा उपचार भइरहेको छ ।