नेपाललाई अमेरिका बनाउने षड्यन्त्र हुदैछः प्रकाण्ड सी

४ फागुन, कालिकोट । नेकपा (माओवादी)का प्रवक्ता खड्गबहादुर विश्वकर्मा (प्रकाण्ड) सीले नेपाललाई अमेरिका बनाउने षड्यन्त्र हुदै गएको बताउनु भएको छ ।
सोमबार शुभकालिका गाउँपालिकाको वडा नम्वर ७ र ८ का जनताको स्वागतपछि भएको कार्यक्रमलाई सम्वोधन गर्दै प्रवक्ता प्रकाण्डले नेपाललाई अमेरिका बनाउने षड्यन्त्र हुदै गएको बताउनु भएको हो ।
उहाँले हिजो मात्र इतिहासमा कहिलै नभएको घटना अमेरिकी सेनाले सैनिक मञ्च टुडिखेलमा परेड खेलेको भन्दै कडा आपत्ति जनाउनु भयो ।
उहाँले एमसीसी गरेर देशलाई विदेशीहरुको परेडखेल्ने ठाउँ बनाएको भनेर विगतमा पार्टीले भनेको कुरा अहिले विस्तारै पुष्टि हुदै गएको बताउनु भयो ।
प्रवक्ता प्रकाण्डले भन्नु भयो ‘हाम्रो देशको स्वाधीनता कायम हुन नदिन ठुलो डिजाईन भएको छ ,नेपाल देशलाई नेपालीको हुन नदिने षड्यन्त्र छ, विदेशीकोे स्वार्थ सिद्ध गर्ने रणनीति अनुसार परेड खेलको छ , हामीेले ध्यान पुर्याएनौ भने हामी नेपाली नभई अमेरिकन हुन बाध्य हुनेछौ ।’
उहाँले देश र जनतामाथि खतरा बढेको भन्दै जनताको पार्टी र नेताले जित्नु पर्ने बताउनु भयो । नेता प्रकाण्डले कित २०६४ मा जनताले आफ्नो उम्मेवार पाएको र कित अहिले जनताले आफ्नो उम्मेदवार भएको भन्दै विचका १८ बर्षमा जनताले आफ्नो नेता र उम्मेदवार नपाएको ठोकुवा गर्नु भयो ।
‘पटक पटक कालिकोटको जनताले हारे, यो पटक कालिकोटको उत्पीडित बर्गले जित्नु होस, अहिले म तपाईहरुलाई जिताउन आएको हँु, किसानहरुलाई जिताउन आएको हँु, म त्यसको प्रतिनिधि नेता हुँ, तपाईले जित्न आफ्नै नेतालाई जिताउनु होला’ प्रवक्ता प्रकाण्डले भन्नु भयो ।
उहाँले १० बर्षीय जनयुद्ध र १९ दिने जनआन्दोलनले मर्म अनुसार गणतन्त्र नभएको र यो दलाल पूँजीपति वर्गको हातमा पुगेको बताउनु भयो ।
कालिकोटका उत्पीडित बर्गले जित्नुपर्ने बताउदै जनताको व्यवस्था नहुदासम्म निरन्तर लडिरहने पनि प्रवक्ता प्रकाण्डले प्रतिबद्धता जनाउनु भयो ।