कर्णालीमा थप ९ जना कोरोना संक्रमितको मृत्यु
२०७८ जेष्ठ ५ गते बुधवार प्रकाशित
५ जेठ, सुर्खेत । कर्णाली प्रदेशका विभिन्न जिल्लामा उपचाररत थप ९ जना कोरोना संक्रमितको मृत्यु भएको छ ।
पछिल्लो २४ घण्टामा प्रदेशभर थप ९ जना संक्रमितको मृत्यु भएको प्रदेश स्वास्थ्य निर्देशनालयका निमित्त निर्देशक डा. रविन खड्काले जानकारी दिनु भयो । उहाका अनुसार मृतकमध्ये सुर्खेतका ५ जना, दैलेख, डोल्पा, जाजरकोट र रुकुम पश्चिमका एक÷एकजना रहेका छन् ।
योसँगै प्रदेशमा कोरोना संक्रमणबाट मृत्यु हुनेको संख्या १७९ पुगेको निर्देशनालयले जनाएको छ ।
कर्णालीमा बुधबार ६८९ जनाको पीसीआर परीक्षण गर्दा ४६९ जनामा कोरोना संक्रमण पुष्टि भएको छ । त्यस्तै ६२८ जनाको एन्टिजेन २१० जनामा संक्रमण पुष्टि भएको छ ।
पछिल्लो २४ घण्टामा ३९६ जना संक्रमित निको भएका छन् भने ७३२ जना आइसोलेसनमा रहेको निर्देशनालयले जनाएको छ ।
प्रतिक्रिया दिनुहोस
