नेपाल कम्युनिष्ट पार्टीका संस्थापक नेता पुष्पलाल श्रेष्ठको सम्झनामा अन्तरक्रिया हुदै
६ साउन,काठमाडौं । नेपाल कम्युनिष्ट पार्टीका संस्थापक नेता पुष्पलाल श्रेष्ठको सम्झनामा काठमाडौमा एक अन्तरक्रिया कार्यक्रम हुने भएको छ ।
नेपाल वैकल्पिक अध्ययन समाजले आईतवार दिउसो २ बजे नेपाल प्रज्ञा प्रतिष्ठानको सभाकक्षमा ‘वर्तमान सन्दर्भमा पुष्पलाल’ विषयक अन्तरक्रिया कार्यक्रम गर्न लागेको हो ।
कार्यक्रममा नेपाल कम्युनिष्ट पार्टीका महासचिव विप्लव सी सहितका कम्युनिष्ट नेता तथा वामवुद्धिजीवी व्यक्तित्वहरुलाई अतिथि वक्ताको रुपमा आमन्त्रण गरिएको छ ।
नेपाल वैकल्पिक अध्ययन समाज (नार्स) ले प्रस्तुत गर्ने विचारपत्रमाथि नेपाल कम्युनिस्ट पार्टीका महासचिव विप्लव सीले टिप्पणी गर्नु हुनेछ ।
कार्यक्रममा नेकपा (एमाले) का नेता डा. दीपक प्रकाश भट्ट, नेपाल समाजवादीकी नेतृ करुणा पराजुली लगायतले टिप्पणी गर्नु हुनेछ ।
कार्यक्रममा आयोजनकका तर्फवाट विचार पत्र प्रस्तुत रामचन्द्र श्रेष्ठले गर्नु हुने छ भने सहजीकरण धनकुमारी सुनारले गर्नु हुने नेपाल वैकल्पिक अध्ययन समाजका अध्यक्ष तथा मार्क्सवादी अर्थशास्त्री हरि रोकाले जानकारी दिनु भयो ।
कार्यक्रममा सहभागी हुन सवैलाई औपचारिक निमन्त्रणा समेत गरिएको छ ।
