चैत २६, कालिकोट । नेपाल कम्युनिस्ट पार्टी पश्चिम कालिकोट र अनेम संघ पश्चिम कालिकोटले संयुक्त रूपमा माल्कोटको विथलडाँडा ऐतिहासिक महिला विद्रोहलाई विशेष कार्यक्रमको आयोजना गरि सोमबार मनाउँदै छ ।
नेपाल कम्युनिस्ट पार्टी पश्चिम कालिकोट र अनेम संघ पश्चिम कालिकोट संयुक्त आयोजनामा माल्काेलमा विथलडाँडा घटनाको स्मरणमा विशेष कार्यक्रम आयोजना गरि बिद्रोहमा सहभागी महिलाहरुलाई सम्मान गर्न लगेको हो ।
नेकपाले हरेक वर्ष जिल्लाको ऐतिहासिक महिला विद्रोह घटना भएको भन्दै चैत २६ लाई बिशेष दिनको रूपमा कार्यक्रम गर्दै आएको छ ।
आज भन्दा २६ वर्ष अघि जनयुद्धलाई दबाउन तत्कालीन सरकारका सुरक्षाकर्मी २०५४ साल चैत २६ गते जनदमनका लागि माल्कोट विथलडाँडा पुगेका थिए ।
सुरक्षाकर्मीहरुले विथलडाँडाकी प्याउकला विकको घरमा खानतलासी गर्दै उनको टाउकोमा गोलि प्रहार गरेका थिए ।
उत्त घटनापछि सबै माल्काेटी शाहसी महिलाहरु संगठित भएर जनदमनमा गएको सुरक्षाकर्मीमाथि घरेलुु औजार ढुंगामुढाले आक्रमण गरे ।
प्रहरीलाई महिलाले लखेट्दै रहगाड हुदै काेटबाडाकाे चिउरीमेलाकाे एउटा ओडारमा थुनेर आगो लगाउँदा एकजना हवल्दार सहित तीनजनाको ज्यान गएको थियो ।
घटनामा अरू प्रहरी भाग्न सफल भएका थिए भने एउटा हतियार खाेसेर नेकपा माओवादीलाई बुझाएका थिए ।
महिलाहरूको शाहसीक प्रतिरोधमा काेटबाडाका कालीबहादुर बिककाे उच्च साहदत भयो भने एकजना पुरुष सहित पाँच पाँचजना महिला घाइते भएका थिए ।
साेही घटनाको उच्च कदर गर्दै यो वर्ष पनि नेकपाले चैत २६ लाई विरता दिवसकाे रूपमा मनाउन लागेको छ ।
नेकपाका पाेलिट ब्युरो सदस्य तथा अनेम संघ (क्रान्तिकारी) का केन्द्रीय अध्यक्ष बन्धु सीले लगायतका केन्द्रीय स्तरका नेताहरूले कार्यक्रमलाई सम्बोधन गर्ने र बिद्रोहमा सहभागी तथा कालिकोटको पहिलो सहिद कालिबहादुर विक र जीवित घाइते महिलाहरुलाई सम्मान गर्ने कार्यक्रम रहेको छ ।
यससँगै अनेम संघ (क्रान्तिकारी) पश्चिम कालिकोटको जिल्ला सम्मेलन उद्घाटन कार्यक्रम पनि हुने भएको छ ।
१
२
३
४
५
प्रतिक्रिया दिनुहोस